Back Home Next

الملا عبود الكرخي

    بغداد مبنيه بتمر
نشرت هذه القصيدة الذائعة الصيت في جريدة الكرخ عام 1930

 

بغداد مبنية بتمر

فلش وكلٌ خستاوي

بغداد مبنية بتمر

ما ينكضي هذا العمر

يهواي دبر لي الامر

التين اصبح لاوي

 

 

  بغداد مبنية بلقٌم

وتربها (سسي وبطم)

لَلطم على راسي لطم

وانحر على المناوي

 

 

فلش وكل تين ورطب

واخلط التفاح وعنب

يا هل خلك كلبي انعطب

بالنار من (عتاوي)

 

 

بغداد مرشوشة بعسل

واحجارها ثوم وبصل

والماي في دجلة وصل

هذا الكيش حلاوي

 

 

برحي والبريم ودكل

ماينفعك شغل التمر

لَلطم على راسي لطم

وانحر على المناوي

 

 

بابوجي من جلد الصخل

والاجنبي فرنساوي

 

 

بغداد مبنية بلقٌم

وتربها سسي وبطم

لَلطم على راسي لطم

وانحر على المناوي

 

 

لم يترك عبود الكرخي حدثا اجتماعيا او سياسيا الا وكتب فيه كما انتقد كل الظواهر السيئة وحارب بكلماته كثير من المعتقدات والخرافات السائدة في ذاك الوقت كما استطاع بشعره ان يوثق اسماء المحلات والمدن وما تشتهر به كل منها كما وثق اسماء العدادات والاشقياء الموجودين في تلك الحقبه عدا توثيق المهن المعروفه وكيف ينادي اصحابها عند البيع وغير ذلك الكثير الكثير مما يصعب حصره و استحق ان يقال عن شعره بانه وثائق معتمدة

 

 

ياكلوه بعذر شرعي

أتعب وازرع وزرعي

ياعرب اتعس نعًوة

يحق لي أن الطم وانعي

 

 

من قديمي لغيره نفعه

الشعب هالمسكين طبعه

وفوكها مبتلي ببلوه

منه صح المثل شمعه

 

 

يبذر و بذره لغيره

العراق ياصاحب الغيره

لَلطم على راسي لطم

صافي كلبه وحر ضميره

 

 

   وكذلك عن السياسه والعرق

 

قلبنه كل الكائنات

بالجبايش جاينات

صارت و(راوه وعانه)

ويوم مات (المنفلوطي)

 

 

 

كثر همًي وقل قنوطي

موتي يا روحي وشوطي

لأن مملؤه رعانه

وعندنا (ريس الوزارة)

 

 

 

بطل (سعدوني) اعتباره

راقي سيد عالي شانه

(بجرايدهم) خبر ذكروا

مختصر ازيد ام كتبوا

ما اهتموا ما اعتبروا

اعتباره بربع آنه

 

 

 

 

  قصيدة عن البرلمان

 

اتشوفه هيبه وعنده لحيه امسرحه

قيم الرگاع من هاي اللحه

من ايحس المقعد اشويه اندحچ

يشتم ابلا خجل وبلا مستحه

قيم الرگاع من ديرة عفچ


 

عگب ماچانوا يدورون الفلس

برلمان اهل المحابس والمدس

ولو نقص من راتبه سنت انعقچ

هسه هم يرتشي وهم يختلس

قيم الرگاع من ديرة عفچ


 

وبالاصل تاريخه اسود كله عار

اتشوف واحدهم امعگل بالوقار

ايريد عالوادم ايعبرله چلچ

ابضرف ثلث اسنين مليونير صار

قيم الرگاع من ديرة عفچ

 

 

ياهو التكضه اهو ايمثل العدل

گمت ما اعرف حماها امن الرجل

لان كلها ضلت اتدور ودچ

وگمنه نستورد الشلغم والفجل

قيم الرگاع من ديرة عفچ


 

اتشوفه هيبه وحچيه المصفط عذب

والله ضيعنه الصدگ من الچذب

وبسچاچينه يدچك حيل دچ

ياخذك وايردك ابشرق وغرب

قيم الرگاع من ديرة عفچ


 

الماله ربط

حيل دوخني الحچي

نفترش عاگول ونتغطه ابحسچ

وصار عندي سكر وحصبه وضغط

قيم الرگاع من ديرة عفچ


 

گمت ما اميز الذيب امن الحمل

امنين ما التفت گلبي يشتعل

انه ما شايف شعب يتبع خبل

شاب راسي وتيهت كل السچچ

قيم الرگاع من ديرة عفچ


 

يا حكومتنه الرشيده ام الوقار

الفساد المالي عنوان الچ صار

ندري جابوكم ابدبابه وقطار

ليش ضليتوا سمچ ياكل سمچ

قيم الرگاع من ديرة عفچ


 

لازم انميز الزين امن الزلم

وننتخب كلمن شهم صاحب علم

ونرفض اللي يجي كل يوم ابفلم

من ايشوف المنصب اشويه اندرچ

قيم الرگاع من ديرة عفچ


 

    نبذه عن شاعرنا  المله عبود الكرخي
ولد المله عبود الكرخي عام 1861 في جانب الكرخ في بغداد ومنها اخذ لقبه. كان والده ميسور الحال يعمل بتجارة الابل. ادخل عبود الى الكتاتيب كاقرانه في ذلك الزمان وعمره 6 سنوات ولما ترك الكتاتيب اخذ يرتاد حلقات الدرس في مساجد الكاظميه وبغداد.

عند سن الخامسة عشر بدا والده باصطحابه معه في تجارته التي تتطلب السفر الى الدول المجاورة وبقي معه الى ان توفى عاد بعدها المله الى بغداد ليستقر بها.

عمل بعدها في شركات النقل بين المدن العراقية كما قام بالعمل مع شركات اجنبية وذلك بتجهيزها بالمواد الغذائية ثم انتقل ليعمل بالزراعة وفشل بها فشلا ذريعا.

استطاع المله عبود الكرخي اصدار جريدة الكرخ عام
1927 التي تاذى بسببها وسجن وسيق الى المحاكم لعدة مرات كما اصدر عدة جرائد (الكرخي والمزمار وصدى الكرخ)، استمر في هذا العمل لمدة 16 سنه ليؤسس بعدها مطبعة الكرخ والتي طبع الجزء الاول من ديوانه فيها عام 1933 .

اما عن حياته الخاصة فقد تزوج الشاعر(5) مرات ولم يجمع بين زوجـتين بل كان يتـزوج كلما توفيت احداهن وقد انجب خمسة اولاد وثلاثة بنات من هذه الزيجات.

كانت للمهن التي عمل بها الشاعر الاثر الكبير في تعلمه عدة لغات فقد كان المله يتكلم الفارسية والهندية والتركيه والكردية ويفهم جميع لهجات المنطقة كما استطاع ان يتعلم الالمانيه من خلال عمله مع الشركه الالمانيه لانشاء سكة القطار بين بغداد وسامراء حيث كان يجهزها بالمواد الغذائية
، ولديه المام لاباس به باللغة الانكليزية حيث نلاحظ ورود بعض من مفرداتها في شعره .

دخل دار الاذاعة العراقية عام
1937 يوم كانت كثير من الدول المجاوره لاتمتلك اذاعة وسمح له بقراءة شعره على الهواء وغالبا ما كان يتشاقى حيث يطوي الورقة التي وافقت الاذاعة على قرائتها ليخرج من جيبه ورقة اخرى وبنفس القافية ليقرا فيها القصيدة التي لايمكن ان تجيزها الاذاعة في ذاك الوقت لذا كان الناس يفاجأون بقطع البث ليطل عليهم المذيع بصوته معتذرا للمستمعين قائلا كالعادة (ناسف لهذا العطل الفني)

كان المله عبود محبوبا من قبل ملوك العراق الذين عاصرهم فقد كان الملك فيصل يحب شعره وكثيرا ما يقرا له المله اشعاره ليستانس بها كما قال له في مرة (يا كرخي انا معجب بك و بشعرك) كما ظلت علاقته وطيده مع الملك غازي بعد رحيل الملك فيصل الذي رثاه الكرخي بقصيدة مشهوره جدا عنوانها


    دمعة الاخلاص
 

يا سفينة التايهة وطرها الفلك

مات فيصل يا غريب اذكر هلك

مات فيصل مات عزك يافقير

يا عراقي، وبمن بعدة تستجير

من الشدد والنكب وبيوم العسير

بعد عينه عاد منهو اليكفلك


    شعرهِ

لم يدع الكرخي مظهراً من مظاهر الحياة في بغداد دون أن يتناوله بالنقد والسخرية والحماس والمديح والهجاء حتى نال لقب امير الشعر الشعبي عن جدارة. وتعتبر "المجرشة" من غرر القصائد لما يجيش فيها من المشاعر الإنسانية. وقد غنى مطرب العراق الأول "محمد القبانجي" أبياتاً منها فزادها شهرة على شهرة

قال عنها المغني الكبير محمد القبانجي في حديث له نشر في جريدة (المنار) البغدادية عام 1964:
" طلب مني أحمد شوقي أن أقرأ له شيئاً من الشعر الشعبي العراقي، فقرأتُ له أبياتاً من (المجرشة)، فما أن استوعبها حتى حنّ لسحرها وروعة بلاغتها فطلب المزيد.. فغنيتُ:

هم هاي دنيا وتنكضي وحساب أكو تاليها
فمال عليّ الرجل بعد أن فهم المعنى وقال: دَه عتاب شريف مع الرب.. يا محمد.

 

    المجرشة

 

ذبيت روحي على الجرش

وادري الجرش ياذيها

ساعه واكسر المجرشة

والعن ابو راعيها

 

ساعه واكسر المجرشه

والعن ابو السواها

اشجم سفينه البحر

 يمشي بعكسها هواها

ايصير اظلن يا خلك

متجابله انه وياها

كلما يكيرها النذل

اني بحيلي ابريها

 

ساعه واكسر المجرشه

والعن ابو اليجرش بعد

حظي يهل ودي نزل

والجايفه حظها صعد

سلمت امري واسكتت

للي وعدني بهالوعد

نصبر على الدنيه غصب

للحد ونباريها

 

ساعه واكسر المجرشه

والعن ابو راعي الجرش

كعدت يدادة ام البخت

خلخالها يدوي ويدش

واني استادي لو زعل

 يمعش شعر راسي معش

هم هاي دنيا وتنكضي

واحساب اكو تاليها

 

ساعه واكسر المجرشه

بسنوني وامشي بيادة

الباب الحوايج حافيه

واشكيله حالي كصادة

وانذر نذر كل ثروتي

للكيم او للسادة

بلجي يفك سجني عجل

والدعوتي ايلبيها

 

 

    الانتخابات والنواب

كان المله عبود مراقبا جيدا لما يجري في المجلس النيابي والنواب لذا نراه قد اسهب في رصد كل السلبيات والتزويرات التي كانت تحدث انذاك واصبحت بعض اشعاره كالمثل الدارج

مهازل الانتخابات
 

يوليد لا تبلانه

بجامع الحيدرخانه

ارجوك لتروح انضبط

ليش انت مو واحد سبط

اني وانت ننبسط

عشره ولو ويانه

الداعي رحت يوم السبت

على النتخاب اتفرجت

مخطوف مرعوب ارجعت

عقلي انسلب ايمانه

واكفلك ابنص الدرب

يكلك اخذ لا تنضرب

مجبور تاخذها غصب

حازب هو واخوانه

ليروح لابد ينجلخ

جلخة نظيفه ويندرخ

حصلنه يا كرخي الصلخ

يا مرحبه بهالجانه

 

 ck to Home Page